පාසල් නිල ඇඳුම සකස් විය යුතු ආකාරය.

පිරිමි ළමුන් සඳහා.

කමිසය

•  කමිසයේ සාක්කුවේ දකුණු කෙළවර ඉහළ තීරුවේ විද්‍යාලයේ නම සහිත පාසල් ලාංඡනය ස්ථිර ලෙස මසා තිබිය යුතුය.
• කමිසයේ වම් පසට වන සේ එක් සාක්කුවක් පමණක් තිබිය යුතු අතර එහි බොත්තම් හෝ රැළි නොතිබිය යුතුය.
• ඇඳුම මැසීමේ දී හා මැදීමේදී අනවශ්‍ය රැලි ආදිය නොතැබිය යුතුය.
• අත්කොට කමිසයේ අත වැලමිටින් ඉහළට තිබිය යුතු අතර අනවශ්‍ය ලෙස විශාල (බැගී) නොවිය යුතුය. අතට හිර කර නොතිබිය යුතුය.
• වැලමිට අංශක අනූවට නැවූ විට කමිසයේ වාටිය අතේ ස්පර්ශ විය යුතුය.
• කොලරයේ බොත්තම් නොතිබිය යුතුය.
• ඇඳුමට නිල් දැමීමේදී එම පැහැය වෙනස් නොවීමට වගබලා ගත යුතුය.
• අත් දිග කමිස ඇඳිය යුත්තේ පාසලේ උත්සව අවස්ථාවල දී ටයි පටිය පළඳින්නේ නම් පමණි.
• කමිසයේ කර පිය වන බොත්තමට අඟල් තුනක් පහළින් ඊළඟ බොත්තම සවිකොට එය පියවා තැබිය යුතුය.
• බොත්තම් වාටිය නොමැතිව මැසිය යුතුය.
• සැම විටම පාසල තුළදී කමිසය කලිසමට යට කර තිබිය යුතුය.

කලිසම 

• කලිසම නාභියට අඟලකට වඩා පහත් නොවිය යුතුය.
• කලිසමේ යට කෙළවර(පෝල්ට්) අඟල් 16  විය යුතුය.
• රූපයේ ඇති පරිදි සාමාන්‍ය රැලි දෙකක් පමණක් බැගින් දෙපසෙහි තිබිය යුතුය.
• එය මැදීමේදී අඟල් 09කට වඩා නොවැඩි ප්‍රමාණයකින් අවසන් විය යුතුය.
• කලිසමේ පසුපස එක් සාක්කුවක් පමණක් තිබිය යුතුය. මෙම සාක්කුවේ පියන් නොදැමිය යුතුය.
• කලිසමේ බෑන්ඩ් එක අඟල් 1 1/2 නොවැඩි විය යුතු අතර ලූප්ස් නොදැමිය යුතුය.
• කලිසමේ බොත්තම් ඇල්ලිය නොහැක.
• ඇඟට තද වන සේ ටයිට් කරන ලද හෝ ප්‍රමාණයට වඩා විශාල (බැගී) ඇඳුම් ඇඳීමට අවසර දෙනු නොලැබේ.
• 6, 7, 8, 9 ශ්‍රේණිවල සිසුන්  සුදු කොට කලිසම් ඇඳිය යුතු අතර එය ප්ලීට් දෙකයි /දණහිසට අඟලක් උඩින් වාටිය / පිටුපස සාක්කු එකක් පමණි / ලූප්ස් භාවිත කළ නොහැක.

හිස කෙස් 

• විද්‍යාලයට ගැලපෙන ආකාරයට කොණ්ඩය කොටට කපා පැත්තෙන් පීරා පැමිණිය යුතුය. එය පාසලට සුදුසු එකක් විය යුතුය.
• හිසකෙස් නළලට නොවැටෙන සේ කොටට කැපිය යුතු අතර කන දෙපස හිසකෙස් කන්වල මැදට පහළින් නොතැබිය යුතුය.
• ක්‍රීම් හෝ ආලේපන යොදා කොණ්ඩය සකස් නොකළ යුතුය. පොල්තෙල් පමණක් අවශ්‍ය නම් භාවිතා කළ හැකිය.
• ශිෂ්‍ය භටයින් හට කඳවුරු ගත වීමට ආසන්න හා කඳවුරු ගත වන කාලය තුළ හැර කිසිදු අවස්ථාවක කොණ්ඩය ඉතා කොටට නොකැපිය යුතුය. ඉන්පසුව නියමිත ආකාරයට කොණ්ඩය සකස් කළ යුතුය.

සපත්තු 

• සාමාන්‍ය කළු සපත්තු කළු මේස් පැළඳිය යුතුයි.
• කකුලේ ආබාධ තුවාල වැනි හේතුවක දී හැර සෙරෙප්පු නො පැළඳිය යුතුය.
• පළඳින සපත්තු ලේස් දමා ගැට ගැසිය හැකි ඒවා වීම. 

ආභරණ 

• සාමාන්‍ය පිරිත් නූල හැර ගෙල අතැඟිලි ආදියෙහි පළඳනා සහිතව පාසලට පැමිණීම තහනම් ය.
• 11/12/13 ශ්‍රේණිවල දරුවන්ට පමණක් පාසලට ගැලපෙන අත් ඔරලෝසුවක් පැලඳීමට අවසර ඇත. 

ගැහැනු ළමුන් සඳහා.

සුදු ගවුම

• උරහිස සිට හිඟ දක්වා කඳ කොටස දිග විය යුතු අතර ඉණ සිට දණහිස වැසෙන තෙක් සාය දිග විය යුතුය.
• රැල්ලක පළල සෙන්ටිමීටර 3ක් විය යුතු අතර අතේ දිග කෙළවර වැලමිට සිට සෙන්ටිමීටර් 7ක් ඉහළින් විය යුතුය.
• ඉන පටිය සඳහා ටික් බොත්තමක් ඇල්ලිය යුතුය.
• ඉන පටිය ඉණ මට්ටමේ මිස උකුල මට්ටමේ නොතිබිය යුතුය. 
• කර පියවීමේ දී හා ඉන පටිය බැඳීමේදී කටු හෝ බොත්තම් භාවිතා කළ යුතුය.
• ටයි පටිය ඉණේ සිට සෙන්ටිමීටර් 7ක් පහලට දික් විය යුතුය. 
• ගවුමේ ඉදිරිපස විවරය අඟල් තුනකට හෝ හතරකට  වැඩි නොවිය යුතුය. 

සපත්තු 

•  දුඹුරු සපත්තු පැළඳ මේස් පැළඳිය යුතු අතර මේස් කොට තැබිය යුතුය.
• එක් පාදයක තුවාලයක් වැනි ආබාධයක් ඇති විට කළු සෙරෙප්පු පමණක් පැළඳිය යුතුය. 

කොණ්ඩය 

• කොණ්ඩය, දිග ළමුන් මැදින් බෙදා කරල් දෙකකට ගොතා සෙන්ටිමීටර් 6ක් පමණ ඉහළින් කළු රිබන් ගැට ගැසිය යුතුය.
• ඇඳුමේ කොලරයේ ගෑවෙන කෙටි කොණ්ඩයක් ඇති සිසුවියන් කොණ්ඩය මැදින් බෙදා දෙපසට සිටින සේ ගැට ගැසිය යුතුය.
• නැතිනම් පාසලේ ශිෂ්‍යාවකට සුදුසු පරිදි කොණ්ඩය කොටට කපා පැත්තෙන් බෙදා නළල පෙනෙන සේ සකස් කළ යුතුය.

ආභරණ

• ක්‍රේල් කටු පමණක් භාවිතා කළ යුතු අතර වෙනත් පළඳනා භාවිතා නොකළ යුතුය.
• අත්ඔරලෝසුවක් පළඳින්නේ නම්.මුහුණත කුඩා චාම් පටියක් සහිත එකක් විය යුතුය.
• 11, 12, 13 ශ්‍රේණිවල දරුවන්ට පමණක්  අවසර දෙනු ලැබේ.
• තෝඩු හා මාල නොපැළඳිය යුතුය.